Anaking

ANAKING

karya Moh. Ihsan Khoeroni

Anaking Teu karaos genep tahun hidep sakola di ieu madrasah

Milari elmu agama kanggo panunjuk arah

Sangkan hirup karasa merenah

Ngajalankeun ibadah milari ridho ilahiyah

Anaking

Paturay lain paturay pepegatan

Tapi paturay kangge kalanjutan

Milari elmu tur milari kabagyaan

Didunia tur di akhirat..

Tantu syurga anu janten harepan

Anaking

Salami hidep sakolah di ieu madrasah

Sadayana guru neda pang hapunten

Tina tingkah sadidinten

Bilih aya tingkah, polah, sangka anu salah

Anu teu raos lebet kana manah

Tur nusuk kana amarah

    Anaking

Hidephirup didunya moal lila

Kedah muntang kana tiang agama

ulah jauh ti para ulama

Sangkan tiasa mibanda raga milampah taqwa

Anaking

Mibanda elmu sanes ngansaukur impenan

Sanes oge kur janteun lamunan

Sumangga lengkahkeun sampean ku kayakinan

Tekadkeun hate muntang kana kaimanan

Ka gusti Allah anu kagungan kakawasaan

                Anaking

Lalampahan anjeun masih panjang

Tong sieun kukasusah anu ngalintang

Tong sieun ku kabingung anu ngahalang

Anjeunmibanda elmu dasar agama kanggo panopang

Tur janten pedang kangge ngahadang

Anaking

Jungjung cita-cita hidep sadayana

milari elmu kanggo bekel di alam baka

Tong hilap hormat ka indung bapa

Caketan para ulama nu mibanda elmu agama

Sangkan bagya dunya tur alam baka

         Anaking

Bralhidep pilari elmu pangarti

Sangkan janten jalmi anu sajati

Benghar harta jembar ati

Sholeh-sholehah tur taqwa kagusti

Anaking

Karaos sedih kalintang seueur tumiba

Ngagumpel dina manah tur dina raga

hidep bade paturay sareng Bapak kalih ibu guru sadaya

Bapak kalih ibu mung tiasa ngadu’a

Kagusti anu maha kawasa

Mugi hidepsadaya tiasa janten jalmi bagya tur taqwa

Ngamalkeun elmu tur ngebrehkeun kabisa

Hormat bakti kanu janten indung bapak

Hirup sauyunan sareng papada manusa......

Baca Juga